Градежен институт Македонија (ГИМ) учествуваше на Бизнис денот на Градежниот факултет во Скопје, кој се одржа на 26.05.2026 година во амфитеатарот на факултетот, под наслов „Од амфитеатар до реализација: Професионални патеки и менаџерски искуства“.

Настанот имаше за цел да ја зајакне соработката меѓу академската заедница и градежната индустрија, преку директна размена на искуства, професионални патеки и практични насоки за развој на идните инженери, со акцент на поврзувањето на академското знаење со реалните потреби на индустријата.

Во рамки на програмата, д-р Златко Илијовски од ГИМ одржа презентација, во која ги сподели своите професионални искуства, развојниот кариерен пат и искуствата од реализација на сложени инженерски проекти. Тој се осврна и на современите предизвици во геотехничката практика, како и на улогата на инженерите во управување и имплементација на проекти од висок степен на сложеност.

ГИМ како водечки лидер во градежниот сектор, и овојпат ја потврди својата активна улога и подготвеност за учество во иницијативи од ваков карактер, насочени кон унапредување на професијата и размена на знаење меѓу теоријата и практиката.

Присуството на ГИМ придонесе за отворена дискусија со студентите и професорите, како и за размена на практични совети поврзани со транзицијата од академско образование кон професионално инженерско делување.